Borang Ngaku Pengawa
Aku ngaku asil
kerja kus tu endang sigi digaga aku empu,semina kereban sanding ke bisi ditulis
ba lambar 29 iyanya sanding penemu aja ke nyadi malin aku sepemanjai aku ngaga
kereja kus tu.Aku mega ngaku asil kerja kus tu ukai asil chelak ari sapa-sapa
tang semina asil ti digaga aku empu bepelasarka kereban sanding ti udah diberi
pengelicha,ari bub,ari internet enggau sumber ti bukai iya ke ulih dijadika
malin.
Aku ti bendar:
………………………………………
(HENRY JUNAN ANAK MELING)
Rintai Isi
|
No.
|
Rintai Isi
|
Lambar
|
|
1
|
Borang
Ngaku Pengawa
|
i
|
|
2
|
Rintai
Isi
|
ii-iii
|
|
3
|
Tempalai
Kenang
|
1
|
|
4
|
Pemuka
Jaku
|
1
|
|
5
|
Jalai
Jaku Iban
|
2
|
|
6
|
Sistem
Sepil Jaku Iban:
-Linguistik
-Penulin
-Penyedang
-Pengelentur
-Praktikal
|
2-3
|
|
7
|
Rebiu
Litaricha
|
3
|
|
8
|
Analisis
|
3
|
|
9
|
Karang
Penemu
|
3-4
|
|
10
|
Polisi
Nginjau:
-Injau
Terus
-Injau
Pengasai
-Injau
Serap
|
5-6
|
|
11
|
Penyaru
Ti Bisi Ba karang Ti di Pansik:
-Sistem
Jaku Ke salah
-Jaku
Injau
|
6-7
|
|
12
|
Atur
Sepil Jaku Iban
|
7
|
|
13
|
Urup:
-Urup
Konsonan
-Urup
Vokal
-Urup
Diftong
|
7-11
|
|
14
|
Atur
Pengentap Guna Urup Vokal:
-Vokal
Beribai
-Vokal
Sengian
|
11-16
|
|
15
|
Urat
Jaku
|
16
|
|
16
|
Jalai
Nulis Urat Jaku
-Jaku
Kedut
-Jaku
Penambah
-Jaku
Puntang
-Homograf
-Homonin
Jaku
Penempat
|
16-19
|
|
17
|
Refleksyen
|
19
|
|
18
|
Sanding
Penemu
|
20
|
|
19
|
Limpir
|
20-28
|
Tempalai Kenang
Keterubah aku meri besai
terima kasih ngagai petara laban udah meri aku pengelantang ati nembuka kereja
kus tu. Kelimpah ari nya, aku mega meri besai terima kasih ngagai Palan Pematih
Pengajar Kampus Rajang laban udah nyendiaka kereja kus tu.Kelimpah ari nya mega
enda tinggal mega ngagai pengelicha kami iya nya Sir Mamat Unggat ti semampai meri jaku lalau sereta iya udah
mayuh meri lalau belabuh ari keterubah kami belajar ba palan pematih tu.
Enggau peluang tu mega aku
deka meri besai terima kasih ngagai apai seduai indai aku ti udah nulung sereta
nyukung aku sepemanjai aku ngaga kereja kus tu.Terima kasih mega ketegal udah
sanggup meri duit ti dikena aku bebelika kereban dikena aku nembu ka kereja kus
tu.
Tambahka nya mega, aku meri
besai terima kasih ngagai semua bala bakih aku ti udah meri tulung ngagai aku
enda ngira maya, sida semampai nulung aku meri lalau sereta sanding penemu
dikena aku ngaga kereja kus tu, enggau nya aku ngarapka kami tu ila sama ulih
mujur magang dalam semua pengawa ti dikereja kelebih agi lebuh ba palan pemati
pengajar tu.
Ka penudi,aku mega meri terima kasih ngagai barang sapa
orang ti nadai disebut aku ditu ti bisi meri tulung sereta sukung ngagai
aku.Terima kasih semua.
PEMUKA JAKU
Kami udah dipinta ngaga siti
Kereja Kus Projek kena Program Persediaan Ijazah Sarjana Muda Perguruan
(PPISMP).Kami diasuh ngaga siti pansik senentang guna Sitem Jaku Iban ti betul
nitihka sistem sepil , tukuh leka jaku , enggau jalai jaku bepelasarka lumpung
karang nembiak pom satu enggau pom 5 sereta karang pelajar pemeri enam.
Kereja kus projek tu
ngembuan tiga objektif iya nya,manding sereta mida Sistem Jaku Iban ti betul
nitihka sistem sepil,tukuh leka jaku, enggau jalai jaku bepelasarka karang
pelajar pom satu enggau lima sereta karang pelajar pemeri enam,mansik nama
kebuah leka jaku tauka karang nya bisi ngembuan penyaru ba sepil enggau jalai
jaku enggau kepenudi bendar iya nya ngena sistem sepil enggau jalai jaku ti
engkeman.
Chara ngaga pansik tu dibagi
ngagai dua bengkah chara iya nya keterubah iya kami diasuh ngiga lumpung karang
ti bepun ari pom satu enggau pom lima sereta lumpung karang nembiak pemeri
enam.lumpung karang tu ulih diambi ari bala nembiak ba sekula sekondari enggau
pemeri.Chara ti kedua iya nya ngaga analisis sepengudah ngiga enggau ngumpul
lumpung karang ti dipilih.Analisis tu digaga ngena chara dijir, kar perugan
tauka karang penemu nitihka system sepil, tukuh leka jaku, enggau jalai jaku
bepelasarka lumpung karang ti udah dipilih.
JALAI JAKU IBAN
Sistem Sepil Jaku Iban
(Kriteria Sistem Sepil)
Nitihka jurai penemu
Professor Dato’ Asmah Haji Omar (1995) dalam keretas iya “Pandangan Terhadap
Sistem Ejaan Bahasa Iban” ti nyadika pelasar lebuh ngaga system sepil tu bisi
menatika kriteria ti baka tu :
(i)Prinsip Linguistik
Prinsip linguistik tu
pelasar pemadu beguna lebuh merambu siti – siti pengawa ti deka ngasuh jaku nya
bela baikka ari aspek sistem enggau struktur fonologi tauka ari aspek struktur
jalai jaku (grammar).Taja pia, pengentap Sistem Sepil jaku Iban enda ulih
beduduk penuh ari prinsip tu ketegal ti bisi ngembuan pengaya jaku enggau
penyelai enti dibandingka enggau bansa bukai.
(ii)Penulin
Sistem Sepil Jaku Iban di
sekula tu ngembuan tukuh penulin kediri empu ti mandangka jaku Iban ending
ngembuan chuan diri lalu ukai beduduk ari chuan jaku bukai.Taja pia , chuan
sistem sepil jaku Iban enggau jaku Melayu bisi bekabih ketegal kedua – dua jaku
tu ti sebilik dalam jaku seperugan.
(iii)Penyedang
Jaku Iban sekalika jaku asal
tauka jaku injau ending ditulis ngena urup Roman.Sistem sepil tu digaga lalu
ditaga ngena lambang ti enda kelalu lebih ngambika mudah dipereti lalu
dikarapka chukup dikena napi pelajar jaku Iban ti disadang deka dipelajar
sereta dikerembai ngagai bansa bukai.
(iv)Pengelentur
Dalam system pelajar sekula,
jaku Iban agi ba tikas ti benung ngerembai mansang ari semua aspek.Berindik ari
nya, sistem sepil jaku Iban digaga enggau naka ulih ngambika setipak enggau
pemansang jaku Iban kemaya hari tu ngena chara berinjauka jaku bansa bukai kena
napi segang pemansang dunya sains enggau teknologi.
(v)Praktikal
Sistemsepil ti
standard,tegap sereta entap mesti praktikal dikena ba sebarang alai enggau maya
lalu ditrerima semua orang ke belajar enggau pengajar ti ngajar jaku Iban
sereta nemban dikena lalu nadai pulai ke penanggul.Sistem Sepil Jaku Iban di
sekula tu ngembuan taga Kediri empu nya alai sistem sepil tu mesti bepelasarka
jaku Iban ti dikena dalam kurikulum sekula ti ulih ngayanka SITI BANSA,SITI
JAKU ke jemah ila.
Rebiu Litaricha
ANALISIS
Karang Penemu
Nyerumba pemansang
dunya,bala pemesaia menua diatu enggau naka ulih ngangkat ke jaku bansa kitai
iban ngambika nyulut sereta dipeda lalu dikelala bansa bukai.Siti ari chunto
iya nya ngajar jaku iban di sekula pemeri enggau sekondari.Kelimpah ari nya
mega,bala perintah pemegai menua mega udah bisi nyediakan program degree ngambi
pelajar dalam Jaku Iban ngambi ka jaku iban enda punas enda lus di telan
pemansang dunya.Jaku iban tu siti ari reta ti pengabis iya berega.
Keterubah ya,dalam tiga iti
karang nya,aku lebih ngemeratka karang ba tikas pelajar pom lima.Tu kebuah
nembiak tin gaga karang lebuh maya udah tama ngagai pom lima patut lebih manah
ari karang ke udah sereta meruan agi atur sepil jaku.Taja pia,ari pansik
aku,aku bisi meda penyilap sereta penyaru bala nembiak lebuh betulis ke karang
kelebih agi lebuh maya nulis karang meras.Atur sepil ti salah sereta enda betul
ngasuh bla nembiak bulih mak ti kurang lebuh maya sida peresa laban mayuh mak
sida tebasau ba penyalah tusun jaku sereta sepil jaku ti enda engkeman.Ambi ke
chunto iya baka di baruh tu.
|
salah
|
betul
|
|
maca
|
Macha
|
|
makan
|
Makai
|
|
Ia
|
Iya
|
Lumpung karang nya mega
dipansik aku ari sukut Sistem Sepil Jaku Injau.Polisi nginjau dalam jaku Iban
lebih berat agi menatika jaku English ti ending nyadi ke ‘lingua-franca’ ti
entap agi dikena dalam komunikasyen entarabansa.Agi sukut sejarah,jaku English
mayuh udah berasuk enggau jaku Iban kenyau ari jeman Rajah Brooke ti megai
menua Sarawak.Jaku seperugan,kelebih agi jaku Melayu mayuh diserapka ngagai
jaku Iban.Sistem sepil tu netapka chara nginjau jaku ari jaku bansa bukai enda
bepanggai penuh ba sistem sepil jaku asal ti alai nginjau tang nitihka sistem
sepil jaku Iban.Chara nginjau jaku English tau dibagi ngagai empat kategori iya
nya injau terus, injau salin,injau pengasai enggau injau serap.Proses nginjau
jaku Melayu ngena chara injau terus.Chunto jaku injau ari jakuseperugan iya nya
baka leka jaku ‘karya’, ‘vokal’ enggau ‘bebas’.Chunto jaku injau ari jaku
English ulih diperatika ba dijir di baruh tu.
Polisi Nginjau
(i)
Injau terus
|
Standard bank
hotel bonus mark
term chairman speaker
meter fact genre pin motel
|
(ii)
Injau salin
|
Honey
moon
|
Bulan
madu
|
|
Night
market
|
Pasar
malam
|
|
Five
foot away
|
Kaki
lima
|
(iii)
Injau pengasai
|
Jaku
English
|
Jaku
Iban
|
|
Bomb
|
Bom
|
|
Computer
|
Computer
|
|
Dobby
|
Dobi
|
|
System
|
System
|
|
Telephone
|
Talipun
|
|
Prism
|
Prisma
|
(iv)
Injau serap
|
Jaku
English
|
Jaku
Iban
|
|
Apple
|
Ipul
|
|
Appeal
|
Apil
|
|
Ball
|
Bol
|
|
Bicycle
|
Basikal
|
Penyaru
Ti Bisi Ba Karang Ti Dipansik
1) Sistem Jaku Ke Salah
|
Sepil ke salah
|
Sepil ke Betul
|
|
Ia
|
Iya
|
|
Maioh
|
Mayuh
|
|
Jako
|
Jaku
|
|
Ko
|
Ku
|
|
Semaia
|
Semaya
|
|
Olih
|
Ulih
|
2) Jaku Injau
|
Jaku Injau
|
Reti dalam jaku Iban
|
|
Terjanggal
|
Nyau
ngetu
|
|
Sampai
|
Dataika
|
|
Berdaya
|
Ulih
ngereja
|
|
Niat
|
Pengingin
Ati
|
|
Silam
|
Jeman
Kelia
|
|
Rasa
|
Asai
|
Atur Sepil Jaku Iban
Urup
Jaku Iban ditulis ngena dua puluh enam urup Roman.Semua
urup besai enggau mit
dikena magang lebuh nulis jaku Iban ti asal enggau jaku
injau baka ke di baruh tu:
|
Urup Besai
|
Urup Mit
|
Chara Nyebut
|
|
A
|
a
|
ei
|
|
V
|
b
|
bi
|
|
C
|
c
|
si
|
|
D
|
d
|
di
|
|
E
|
e
|
i
|
|
F
|
f
|
ef
|
|
G
|
g
|
ʤ
|
|
H
|
h
|
eIt
|
|
II
|
i
|
aI
|
|
J
|
j
|
dzeI
|
|
K
|
k
|
keI
|
|
L
|
l
|
el
|
|
M
|
m
|
em
|
|
N
|
n
|
en
|
|
O
|
o
|
o℧
|
|
P
|
p
|
pi
|
|
Q
|
q
|
kju
|
|
R
|
r
|
a:r(r)
|
|
S
|
s
|
es
|
|
T
|
t
|
ti
|
|
U
|
u
|
ju
|
|
V
|
v
|
vi
|
|
W
|
w
|
dʌblju
|
|
X
|
x
|
eks
|
|
Y
|
y
|
waI
|
|
Z
|
z
|
zed
|
Semua dua puluh satu urup
konsonan: b, c, d, f, g, h, j, k, l, m, n, p, q, r, s, t, v, w, x, y,
z enggau lima urup vokal: a,
e, i, o enggau u dikena nyepil dalam jaku Iban. Taja pia,
bisi sekeda leka jaku enda
ditanda ngena urup konsonan tunggal tang ditanda ngena
konsonan turu: ch, ng enggau
ny.
Urup Konsonan
Jaku Iban ngembuan dua puluh
tiga urup konsonan. Ari dua puluh tiga urup konsonan,
enam belas nya urup konsonan
tulin: b,d, g, h, j, k, l, m, n, p, r, s, t, w, y enggau dua
urup konsonan turu: ng,
enggau ny dikena ngelai munyi asal dalam jaku Iban. Dalam
jaku Iban, konsonan c
dilambang ngena konsonan turu ch ti dikena ngayanka identiti
enggau penulin jaku Iban.
Kelimpah ari nya, konsonan c, f, q, v, x enggau z ditaga kena
nyepil jaku injau.
|
Urup
|
Lambang
|
Ba
pun
|
Ba
Tengah
|
Ba
Ujung
|
|
b
|
b
|
batu
|
sabut
|
bab
|
|
c
|
c
|
chabut
|
bacha
|
-
|
|
d
|
d
|
dapur
|
puda
|
abad
|
|
f
|
f
|
fosil
|
sulfur
|
tarif
|
|
g
|
g
|
gerah
|
agi
|
Beg
|
|
h
|
h
|
hari
|
sehari
|
rumah
|
|
J
|
j
|
jari
|
gaji
|
kolej
|
|
k
|
k
|
kami
|
aku
|
pandak
|
|
l
|
l
|
lima
|
malam
|
tikal
|
|
m
|
m
|
minta
|
amat
|
kasam
|
|
n
|
n
|
nama
|
tanah
|
ikan
|
|
p
|
p
|
padi
|
apai
|
asap
|
|
q
|
q
|
quran
|
-
|
-
|
|
r
|
r
|
raban
|
kara
|
sikar
|
|
s
|
s
|
sukat
|
asuh
|
panas
|
|
t
|
t
|
tiga
|
ketup
|
sekut
|
|
v
|
v
|
vitamin
|
universiti
|
-
|
|
w
|
w
|
wai
|
lawa
|
-
|
|
x
|
x
|
xeroks
|
-
|
-
|
|
y
|
y
|
yu
|
ayuk
|
x-ray
|
Urup Vokal
Jaku Iban enti diperatika
ari segi linguistik ngembuan enam urup vokal: a, e (pepet), e (taling), i, o
enggau u. Taja pia, enam urup vokal tu semina ditanda ngena lima iti lambang
aja laban e (pepet) enggau e (taling) sama ngena lambang e. Semua lambing ti dikena
ngelai munyi vokal nya tau dikena magang lebuh nyepil jaku Iban.
Sistem sepil tu netapka
semua jaku Iban tulin enda disepil ngena urup ‘o’ sekalika ba pun tauka tengah
leka jaku.Taja pia, urup ‘o’ bisi dikena ba ujung sekeda leka jaku Ibantulin.Berindik
ari pemutus tu ‘soh’, ‘poh’ enggau ‘woh’ disepil nyadi ‘suh’, ‘puh’enggau
‘wuh’. Reti nya disepil sama atur enggau leka jaku ti ngembuan patah sebut tunggal
ti bukai baka ‘puk’ enggau ‘buk’. Sepil ‘roh’ ‘enggau’ orang agi ditanka laban iya
jaku injau.
Chunto:
|
Urup
|
Lambang
|
Dimua
|
Ditengah
|
Dibelakang
|
|
a
|
a
|
api
|
tali
|
jaga
|
|
e pepet
|
e
|
empai
|
sepan
|
-
|
|
e taling
|
e
|
-
|
-
|
chire
|
|
I
|
i
|
iru
|
dinga
|
mali
|
|
O
|
o
|
oksigen
|
koma
|
chunto
|
|
U
|
u
|
ubi
|
buka
|
biru
|
Urup diftong
Diftong nya urup vokal
berimbai dua ti disebut nyadi siti munyi.Jaku Iban semina bisi
ngembuan tiga leka diftong:
ai,au enggau ui ti diengkah ba ujung leka jaku.Taja pia,dalam jaku injau sekeda
diftong tu bisi ditemu ba pun tauka tengah leka jaku.
Chunto:
|
Urup
|
Dibelakang
|
|||
|
ai
|
tubai
|
makai
|
pulai
|
salai
|
|
Au
|
palau
|
salau
|
tikau
|
silau
|
|
Ui
|
ukui
|
malui
|
silui
|
sungkui
|
Atur Pengentap Guna Urup
Vokal
Penerang pasal atur
pengentap guna urup vokal
Sistem sepil tu digaga
enggau naka ulih ngentapka guna urup vokal ti ngasilka dua patah sebut ngagai
urat jaku ti alai iya ditawingka entara urup vokal ba patah sebut pradudi (iya ti
lumur dua dudi) enggau urup vokal ti mandangka penetap tu:
(i) Penyama entara dua urup
vokal ba urat jaku.
(ii) Sekeda leka jaku ti
ngundan lebih ari dua patah sebut, iya ti kena serangkung atur tu semina dua
patah sebut ti kepenudi aja.
Chunto:
|
Pola Pengentap Vokal
|
||
|
Patah sebut prapenudi
|
Patah sebut Penudi
tertutup
|
Chunto
|
|
a
|
a
|
alah,abas,badak
|
|
a
|
e taling
|
are,ale,male
|
|
a
|
e pepet
|
ape,sape,lade
|
|
a
|
i
|
Agih,manis,malik
|
|
a
|
o
|
Kayo-kayo,atom
|
|
a
|
u
|
Asuh,natuk,mulut
|
|
e pepet
|
a
|
Jelan,ketam,telan
|
|
e pepet
|
i
|
Telih,benih,setik
|
|
e pepet
|
o
|
Chego,setor
|
|
e pepet
|
u
|
Tepus,chelum,letup
|
Dalam jaku Iban tulin,urup o
semina diengkah ba ujung leka jaku.Taja pia,dalam jaku
injau,urup o bisi dikena ba
sebarang tempat,sekalika ba pun,tengah tauka ujung leka jaku.
Vokal berimbai
Bisi beberapa bengkah vokal
berimbai
Vokal berimbai dua ti
bemunyi seranyut panjai.
Sekeda leka Jaku Iban bisi
ngembuan munyi vokal ti seranyut panjai.Diatu semua leka
jaku ti ngembuan munyi vokal
ti seranyut panjai enda agi ditulis ngena urup vokal
berimbai dua,ti alai urup
vokal ti kedua dalam leka jaku nya deka ditingkilka baka chunto ti di baruh tu.
|
Lama
|
Baru
|
Sepil
Lama
|
Sepil
Baru
|
|
Aa
|
a
|
Maang
Daang
Baan
Jam-jaam
|
Mang
Dang
Ban
Jam-jam
|
Vokal berimbai dua ti bisi
berubah chara nyepil
Berindik ari atur ti enda
ngena urup o lebuh ke nulis leka jaku Iban tulin, nya alai semua
leka jaku ti ngembuan dua
vokal berimbai: oa, ao, io enggau oi, dia semua tempat vokal
o dalam jaku Iban tulin
ditambak vokal u. Kelimpah ari sida tu, vokal berimbai ei diatu
disepil nyadi e lalu ie
nyadi i aja.Taja pia,atur tu enda nyengkaum jaku injau.
|
Lama
|
Baru
|
Sepil
Ke Lama
|
Sepil
Ke Baru
|
|
Oa
|
ua
|
Moa
Menoa
Semoa
|
Mua
Menua
Semua
|
|
Ao
|
au
|
Baong
Remaong
Paoh
|
Baung
Remaung
Pauh
|
|
Io
|
io
|
Beliong
Engkiong
Tiong
|
Beliung
Engkiung
Tiung
|
|
Oi
|
ui
|
Maloi
Nyemboi
Siloi
|
Malui
Nyembui
Silui
|
|
Ei
|
e taling
|
Serei
Ngemalei
Beterei
|
Sere
Ngemale
Betere
|
|
Ie
|
i
|
Entilei
Jenggei
Serie
|
Entili
Jenggi
Seri
|
Vokal
berimbai dua ti nadai berubah chara nyepil
Chunto:
|
Lama
|
Baru
|
Sepil
Lama
|
Sepil
baru
|
|
ai
|
ai
|
Pait
Rais
Lain
|
Pait
Rais
Lain
|
|
au
|
au
|
Aus
Taup
Saup
|
Aus
Taup
Saup
|
|
ia
|
ia
|
Lia
Biak
Sedia
|
Lia
Biak
Sedia
|
|
iu
|
iu
|
Biul
Liur
Siuh
|
Biul
Liur
Siuh
|
|
ua
|
ua
|
Dua
Luan
Tuat
|
Dua
Luan
Tuat
|
|
ui
|
ui
|
Duit
Ruik
|
Duit
Ruik
|
Lebas:
Leka
jaku tiga leka tu ditetapka disepil baka tu:
iya
- ganti nama
ya -
madahka reti au
iya
nya - leka jaku penunjuk
Vokal
berimbai tiga nadai berubah chara nyepil
Chunto:
|
Vokal
|
Sepil
Lama
|
Sepil
Baru
|
|
iau
|
Diau
Kechiau
|
Diau
Kechiau
|
|
uai
|
Ruai
Buai
|
Ruai
Buai
|
|
aie
|
Beraie
Chaie-chaie
|
Beraie
Chaie-chaie
|
|
uie
|
Duie-duie
Tuie
|
Duie-duie
Tuie
|
Vokal
berimbai tiga ti berubah chara nyepil
Chunto:
|
Vokal
|
Sepil
Lama
|
Sepil
Baru
|
|
Aia
|
maia
|
maya
|
|
Aio
|
maioh
|
mayuh
|
Vokal sengian
Jaku Iban endang ngembuan
sekeda vokal sengian ti enda nyengala disebut taja pan
segenda ditulis ba leka
jaku. Jaku Iban tulin endang nadai ngembuan turu konsonan st, rj,rt enggau rb.
Lebuh disepil, sida mesti diselepakka enggau vokal e, lalu meri siti patah sebut
ti menuku. Sepil leka jaku ti baka tu sigi tebalan ditemu dalam bup ti ditulis
orang putih. Sida nyepil leka jaku tu nitihka sebut kaul dilah sida empu lalu
enda menatika
sebut kaul dilah bansa Iban.
Chunto:
|
Suah
Disepil
|
Patut
Disepil
|
|
Brita
|
Berita
|
|
chermin
|
Cheremin
|
|
Chermat
|
Cheremat
|
|
Driba
|
Deriba
|
|
Grenti
|
Gerenti
|
|
Gertak
|
Geretak
|
|
Germai
|
Geremai
|
|
Kerja
|
Kereja
|
|
serta
|
Sereta
|
|
serba
|
Sereba
|
|
trebai/terbai
|
Terebai
|
|
tringkas
|
Teringkas
|
Urat Jaku
Urat jaku nya seleka leka
jaku ditulis serara ari jaku ti bukai lalu iya nadai diberi
penambah. Semua urat jaku
patut ditulis bediri kediri baikka lebuh ditulis dalam rambai jaku tauka dalam
ayat.
Chunto: aku perau pulai besai
terima
Jalai nulis urat jaku ba
rambai jaku
a.rumah batu dua tingkat
b.surat kabar lama
c.lampu pichit tampung dua
Jalai nulis urat jaku ba
ayat
a.Igat bisi dua pasang kasut
baru.
b.Buah anyam tikai baru nya
manah amat.
c.Liman tinggi agi ari
Jelenggai.
Jaku Kedut
Jaku kedut nya lambang ti
dikena nulis sekeda leka jaku penuh ti ulih dikedut.Jaku kedut
dalam Jaku Iban ditulis
bepelasarka penetap ti dikena ba tikas entarabansa.
Chunto:
|
Jaku
kedut
|
Leka
Jaku Penuh
|
Chunto
ayat
|
|
Dr.
|
Lutur/Dutur
|
Aku deka betemu enggau Dr.Rimong.Iya
diatu nyadi lutur ba klinik pakar din.
|
|
No.
|
Lumur/Numur
|
Bilik No.5 nya bilik sida Tuie,sida
selalu bulih lumur satu lebuh maya pekit pemanah bilik.
|
Jaku Penambah
Jaku bepenambah nya leka
jaku ti udah diberi penambah, baik ke nya penambah pun
jaku, penambah selit,
penambah ujung tauka penambah kepit.
Lalau nulis penambah baka di
baruh tu.
(i) Semua penambah ditulis
besambung enggau leka jaku ti ditambah iya.
(ii) Tanda sekang (-) enda
tau dikena entara jaku penambah enggau urat jaku.
Jaku Puntang
Jaku puntang nya jaku ti
betumbuh ari chara nyebut sekeda leka jaku, ketebal agi dua
leka jaku ti udah masai
disebut muntang. Taja iya tumbuh ari dua leka jaku tang lebuh
udah dipuntang iya agi mai
reti ti sama. Jaku ti suah dipuntang dalam jaku Iban nya jaku ganti nama
pengempu. Lebuh jaku ganti nama pengempu dipuntang, dia leka jaku ti nerangka
pengempu dipejantilka enggau jaku ganti nama ti ditangkanka iya.
Chunto:
|
Jaku
Penuh
|
Jaku
Puntang
|
|
Enggi kita
Enggi kitai
Enggi kami
Enggi aku
Enggi nuan
Enggi dek
Kami dua
Kami duai
|
Engkita
Engkitai
Engkami
Engku
Ngenuan
Ngedek
Kendua
Kenduai
|
Homograf
Homograf nya leka jaku ti
sebaka sepil tang enda sebaka sebut. Lebuh nulis leka jaku
homograf, tanda ‘afostrofi’
ti bebidaka munyi leka jaku nya, enda dikena ngelai sekat
sebut glotal.
Homonim
Homonim nya leka jaku ti
sebaka sepil sereta sebaka sebut tang enda sebaka reti.
Jaku Penempat
Jaku penempat nya leka jaku
ti dikena nunjukka tempat jaku nama lalu iya sebela reti
enggau preposition dalam
jaku English tauka kata sendi nama dalam jaku Melayu.
REFLEKSYEN
Lebuh maya aku deka
berengkah ngaga kereja kus tu,Nadai entu mayuh penanggul ti ditapi
aku.Laban,malin enggau kereban sandingudah bisi di ambi ari macham bub enggau
not ti di beri pengelicha kami empu.Lebuh ngaga kereja kus tu,aku ngaga tu
enggau betikas ngambi kereja kus tu ulih ditembu ka enggau silik sereta meruan.
Maya aku ngaga kereja kus tu,dia aku bisi meratika lalu
nemu pemesai guna jaku iban dalam
pengidup kitai.Chara ngena jaku iban ti betul ari sepil leka jaku ngau jalai
jaku ti betul mega beguna dikena ngaga karang ti manah sereta engkeman. Kelimpah ari nya mega,lebuh aku ngaga
kereja kus tu aku ulih nemu mandingka bida sepil jaku ti baru enggau ka
lama.Aku mega ulih mida ke ni bagi leka jaku ti udah di tukar enggau iya ke agi
diguna dalam tusun jaku kitai iban.
Kepenudi iya,aku berasai gaga amat ati laban ulih nembuka
kereja kus tu enggau jam sereta ari bulan ti udah diperambu ka.Aku mega berasai
chukup laban lebuh ngaga kereja kus tu aku bulih penemu ti lebih senentang
pengaya jaku sereta belajar ka pengelandik jaku ti nadai ditemu aku ngelama tu.
Sanding Penemu
Bub
Padang anak Luna&Dr.Chemaline
anak Usup, Sintaksis Jaku Iban,Malin Nembiak Enggau Pengajar, Emeritus
Publications.Kuala Lumpur
Padang anak
Luna&Dr.Chemaline anak Usup,Morfologi Jaku Iban,Malin Nembiak Enggau
Pengajar,Emeritus Publications.Kuala Lumpur
Padang anak
Luna&Dr.Chemaline anak Usup,Fonologi Jaku Iban,Malin Nembiak Enggau
Pengajar,Emeritus Publications.Kuala Lumpur
Jabatan Pelajaran
Sarawak&Kementerian Pelajaran Malaysia(2007),Sistem Jaku Iban Di
Sekula,cetakan Kementerian Pelajaran Malaysia.Kuala Lumpur
Jimmy Donald,Cherita Enggau
Leka,Renung Semain,See Hua Daily News Bhd,Kucing.
Internet
Abdul Rasid Jaimian,Jurnal
Pendidikan Bahasa Melayu 1(malay language education journal [My LEJ] ) www.ukm.my/jpbm/pdf/1-12_Rasid_upm.pdf,30
august 2012
Mien Eaststar,Nota Kemahiran Mendengar Dan
Bertutur, www.mieneaststar.com/2011/09/nota+kemahiran+mendengar_dan_bertutur,3
september 2012
Limpir
Chunto karang
Tanya: Gerempung Jaku Iban
sekula udah mujur ngatur aktiviti sepemanjai taun tu. Nuan dipadu nyadi
seketari lalu dipinta nulis ripot aktiviti sepemanjai taun tu.
Ripot Aktiviti Sepemanjai
taun 2012 Gerempung Jaku Iban SMK Medamit
Gerempung Jaku Iban ba SMK
Sematong tu udah ditumbuhka kenyau ari taun 2010.Tu taun kedua iya gerempung tu
bejalaika pengawa.Dalam taun tu, gerempung tu bisi dua iku pengajar penyanding
iya nya pengajar Braoh Ngumbang enggau pengajar Mary Entalai.Nyadi raban
nembiak ti masuk ba gerempung tu iya nya 43 iku.Bisi nambah 12 iku ari taun
2011.
Mayuh aktivti ti udah diatur
dalam taun tu. Semua aktiviti endang diatur nitihka perambu ke udah digaga
sebedau nya. Aktiviti keterubah iya diatur iya Pekit bekelikuh penemu. Iya
mujur digaga kenan 29hb Mac tu tadi. Pekit tu dibuka ngagai semua nembiak ba
sekula tu. Nembiak ti menang iya nya Nelson Jeti ari kelas 4B. Iya mega dipilih
ngarika sekula ba pekit ke sama tang enda mujur.
Kena bulan Lima,Gerempung Jaku
Iban mujur ngatur Minggu Jaku Iban. Dalam minggu nya, mayuh aktiviti udah mujur
dipejalaika.Aktiviti ke diatur dalam minggu nya baka Pekit Nulis Karang,Pekit
Belagu Karaoke,Pekit Bepantun enggau Pekit Becherita. Mujur bendar taun tu
Gerempung Jaku Iban bisi bulih bantu ari Serakup Iban Dayak (SADIA).Nya
alai,perais ke taun tu manah agi ari taun ke udah.
Ba bulan Lapan,Gerempung Jaku
Iban bisi ngatur siti Program ngagai nembiak ti deka ngambi peresa ba PMR
enggau SPM.Program ke diatur pengelama dua hari tu iya Program Nyaut Peresa PMR
enggau SPM. Bisi 50 iku nembiak ke ngambi bagi.Tuju program tu diatur ngambika
nembiak ti deka ngambi peresa SPM enggau PMR bisi peneleba nyaut tanya peresa
Jaku Iban. Tu mega ngambika mayuh agi nembiak bulih pemujur ba peresa taun tu.
Siti agi aktiviti ti digaga
Gerempung Jaku Iban tu iya nya nemuai sambil belajar.Gerempung Jaku Iban udah
mujur nemuai sambil belajar ngagai Opis RTM ba bagi Iban.Program tu semina
ungkup raban gerempung aja.Program ke baka tu digaga dikena nambahka
pengelandik enggau penemu diri.Semua raban ti bisi enggau gaga magang laban ti
udah nemuai sambil belajar.Bisi sekeda minta nemuai ngagai tempat ke jauh agi.
Ke taun tu,semua aktiviti
bejalai lanchar.Gerempung Jaku Iban bisi nerima jaku puji ari pengetua laban ti
udah mujur bejalaika semua aktiviti sepemanjai taun 2012.Tu ngujungka gerempung
tu nyadi gerempung ti pemadu mujur taun 2012.Enggau tu,ngarapka taun ti deka
datai, mayuh agi aktiviti ti deka digaga.
Ripot ditulis ulih:
Semaun
..................
(SEMAUN ANAK BIDAU)
Seketari
Gerempung Jaku Iban
SMK Sematong
Chunto Karang
Tanya:Aktiviti lumba enggau
main amat beguna ngagai nembiak sekula.Pejuraika guna aktiviti lumba enggau
main ngagai nembiak.
Aktiviti lumba enggau main tu iya nya aktiviti
ti digaga ba luar kelas.Mayuh aktiviti lumba enggau main ti dikerinduka nembiak
sekula baka bemain bol,badminton,futsal,enggau mayuh agi.Kitai sama nemu pekara
ti dipelajar nembiak di sekula enda chukup enti semina belajar nulis,macha
enggau ngira aja.Tu mih ngujungka pelajar ti diulih nembiak deka setimbang enti
bisi nyereta aktiviti lumba enggau main.
Siti ari kebuah guna
aktiviti lumba enggau main tu ngagai nembiak iya nya mantu ngurangka
stress.Stress tu nyadi engka kelalu mayuh pikir lalu irauka pasal peresa ti
enda manah.Tu ngujungka bala nembiak ulih ngurangka pengelelak untak ti mayuh
pikir maya ba kelas.Udah bemain,dia untak nembiak ulih regas baru.
Kelimpah ari nya,aktiviti
lumba enggau main tu ulih mantu meri pengerai ngagai nembiak. Penyakit deka
nyamai inggap ba siku-siku mensia enti kurang ngaga aktiviti lumba.Enti nembiak
semampai aktif,dia sida deka semampai gerai.Ari tu tadi, nembiak mega deka nyamai
agi bulih pemujur ba sekula.
Nambahka nya,lebuh bemain
begulai enggau nembiak bukai, dia nembiak mega ulih belajarka reti bekerejasama
enggau orang bukai.Nembiak deka bulih pengelandik begulai enggau orang
bukai.Enti nembiak semina belajar aja, penemu tauka pengelandik ke baka tu enda
dipelajar.Pemansang nembiak enda setimbang.
Guna bukai aktiviti lumba
enggau main iya nya ngelatih nembiak nerima pemenang enggau pengalah enggau ati
ti tebuka.Sida enda sumbung enti alah.Pia mega enti sida alah.Sida enda jampat
tumpul ati.
Ke pengujung iya, lumba
enggau main tau mai mayuh penguntung ngagai nembiak sekula laban iya ulih
ngasuh pemansang runding enggau tubuh nembiak chukup setimbang sereta
menyana.Nya alai,nembiak endang patut nyereta lumba enggau main.Tu ulih
ngujungka nembiak tu bulih pemujur ba sekula.
Gambar Bub
Tiada ulasan:
Catat Ulasan